Bu gün Nərimanov Rayon Məhkəməsində tanınmış müğənni Mətanət İsgəndərovanın AzNews.az xəbər saytının baş redaktoru Elchin Zahiroglu və media orqanının əməkdaşı İntiqam Valehoğluna qarşı xüsusi ittiham qaydasında qaldırdığı iddia əsasında hakim Turqay Hüseynovun sədrliyi ilə məhkəmə prosesi keçirilib. 

Jurnalistlərin vəkili Elçin Sadıqov bu gün keçirilən proseslə bağlı Aktual.az-a bunları dedi:

“Xüsusi ittiham qaydasında verilən şikayəti Mətanət İsgəndərli özü imzalamayıb. Qanunvericiliyə uyğun olaraq onun nümayəndəsinin xüsusi ittiham qaydasında yazılan şikayəti imzalamaq hüququ yoxdur. Bununla bağlı qaldırdığımız vəsatət məhkəmə tərəfində rədd olundu və bizə xəbərdarlıq edildi. Biz növbəti vəsatətimizdə tələb etdik ki, M. İsgəndərli dindirilsin. Məhkəmə bundan imtina etməyə çalışsa da, onun dindirilməsinə nail ola bildik. Məlum oldu ki, Mətanət İsgəndərlinin xüsusi ittiham qaydasında şikayəti olmayıb. Onun bu barədə məlumatı yoxdur. M.İsgəndərli qeyd etdi ki, məhkəmədə mülki iddia qaldırıb. Daha sonra Elçin Zahiroğlu ifadə verdi. Nahar fasiləsinə görə onun ifadəsi yarımçıq qaldı”.

Mətanət İsgəndərlinin Narkoloji Dispanserdə qeydiyyatda olmasını dəqiqləşdirmək üçün vəsatət qaldırılacaqmı? sualına isə vəkil belə cavab verdi:

“Hələki bununla bağlı vəsatət qaldırmamışıq. Ancaq növbəti məhkəmə iclaslarında Mətanət İsgəndərlinin dispanserdə qeydiyyatı ilə bağlı vəsasətət qaldıracağıq. ”