Azərbaycan Respublikasının Prezidenti yanında Gənclər Fondunun maliyyə dəstəyi və IB Club Gənclər Mərkəzinin təşkilati dəstəyi ilə fərdi gəncin layihəsi olaraq VII Qrant müsabiqəsi çərçivəsində qalib olmuş "Asudə vaxtımızı kitabla daha səmərəli edək” layihəsinin icrası uğurla davam etdirilir.

Xeberle.com məlumat verir ki, layihənin əsas məqsədi kimi qarşıya kitabsevərləri bir araya gətirib müxtəlif maarifləndirici mövzularda kitabların müzakirə ediləcəyi intellektual mühit yaratmaq və hər hansı kitabdan öyrənilmiş biliklərin kitabsevərlər arasında paylaşılmasını təmin etmək qoyulub. Layihə çərçivəsində 6 müxtəlif görüş keçirilib və hər görüşdə orta hesabla 25 gənc iştirak etmişdir. Bu görüşlərdə gənclər arasında kitab oxuma vərdişləri aşılanmış və kitabların bəxş etdiyi faydalar önə çəkilib.

Lahiyə çərçivəsində planlaşdırılmış 6 görüşün bitməsinə baxmayaraq, layihəyə olan maraqdan dolayı bu növ görüşlərin bundan sonra da müntəzəm olaraq keçirilməsi nəzərdə tutulur.
Xeberle.com