Sumqayıt Gənclər Evində Sumqayıt Dövlət Universitetinin tələbə-gənclər təşkilatının idarə heyyəti iclası keçirilib. İclasda tələbə-gənclər təşkilatının 2015-ci il ərzində gördüyü işlər, növbəti II rübdə həyata keçirilməsi planlaşdırılan tədbirlər, prespektivlər, tələbə-gənclərin fəaliyyətinin stimullaşdırılması, onların təhsillə yanaşı ictimai işlərə həvəsləndirilməsi və asudə vaxtlarının səmərəli təşkili üçün maraq sahələrinə uyğun tədbirlərin keçirilməsi müzakirə olunub. Baş İdarənin Gənclər iş sektorunun baş məsləhətçisi Ceyhun Hüseynov və Sumqayıt Dövlət Universitetinin tələbə-gənclər təşkiltının sədri Elvin Gülməmmədov ölkə tələbələrinin fonunda sumqayıtlı tələbə-gənclərində daim dövlətin diqqət və qayğısı ilə əhatə olunduğunu, tələbə-gənclər təşkilatlarının layihə və proqramlarının dəstəkləndiyini, təşəbbüslərinin reallaşdırılması üçün hərtərəfli şərait yaradıldığını vurğulayıblar.

Sonda tələbə-gənclər şəhərimizin inkişafı və sabitliyi uğrunda görülən işlərdə, layihələrdə yaxından iştirak etməyə dəvət edilib və təkliflərin Baş İdarənin elektron poçt ünvanına ([email protected]) göndərilməsi xahiş olunub