Sumqayıtda M.Ə.Rəsulzadə adına 2 saylı kitabxana-filialda Xocalı soyqrımının 24-cü ildönümünə həsr olunmuş "Xocalı soyqrımı-Bəşəriyyət əleyhinə cinayət” adlı oxucu konfransı keçirilib.
Kitabxanadan Xeberle.com-a verilən məlumata görə tədbirdə Sumqayıt Dövlət Universitetinin (SDU) Tarix müəllimi Samir Kərimli, "Əli Kərim” adına poeziya klubunun sədri İbrahim İlyaslı, şair Asif Asiman, Sumqayıt Təhsil şöbəsinin metodisti Əlhəddin Paşayev, SDU-nun tələbələri, 14 saylı tam orta məktəbin kiabxanaçıları Nazilə Eyvazova, Məlahət Xəlilova,  həmin məktəbin şagirdləri, 21 saylı tam orta məktəbin müəlliməsi Sevinc Alıyeva  və həmin məktəbin şagirdləri iştirak ediblər.
Kitabxananın müdirəsi Ofelya Məmmədova bildirib ki, XX əsrdə genosid və etnik təmizləmə hadisələri baş vermiş tarixi səhifələr olub. Xocalı faciəsi onların sırasında ən dəhşətlilərinə aiddir:"Bu hadisələrdə hər hansı şəkildə iştirakı olmuş şəxslər hələlik öz vicdanları qarşısında cavabdehdirlər, ancaq vaxt gələcəkdir ki, onlar tarixin məhkəməsi qarçısında cavab verməli olacaqlar."
SDU-nun Tarix müəllimi Samir Kərimli isə qeyd edib ki, Xocalı soyqırımına siyasi qiymət verən və bu barədə dünyanın ən yüksək tribunalarından danışan Heydər Əliyev Xocalı sakinləri ilə görüşündə demişdir: "... biz toplaşıb Xocalı faciəsinin cavabını verək, şəhidlərin qanının yerdə qalmaması gününü görək. Azərbaycanın ərazi bütövlüyünü təmin edək. Müstəqil Azərbaycanın hüdudlarını tamamilə bərpa edək. İnanıram ki, Azərbaycan xalqı belə qüdrətə malikdir."
Tədbirdə iştirak edən digər qonaqlar da çıxışlarında ermənilərin törətdikləri vəhşiliklərdən danışıblar.
Vurğulayıblar ki, tariximizin qan yaddaşı olan Xocalısız keçirdiyimiz bir anla da barışmamalıyıq. Diqqətə çatdırılıb ki, qəflət yuxusundan ayılmalı, itirdiklərimizi bərpa edib, gələcək nəsillərə ərmağan etməliyik.
Sonda 14 və 21 saylı tam orta məktəbin şagirdlərinin ifasında Xocalıya həsr olunmuş kompozisiya və Murad Haqverdiyevin vətənpərvərlik mövzusunda mahnıları dinlənilib.