Sumqayıt şəhər "Təfəkkür" liseyində Xocalı soyqırımının 24-cü ildönümü ilə bağlı tədbir keçirilib.
Xeberle.com xəbər verir ki, liseyin foyesində Xocalı soyqırımını əks etdirən guşəyə baxışla başlayan tədbir sinif otağında davam etdirilib. Xocalı soyqırımında həlak olanların xatirəsi bir dəqiqəlik sükutla yad edildikdən sonra liseyin direktor əvəzi Pərviz Əliyev Xocalı soyqırımı haqqında danışıb.
Bildirib ki, ən qəddar və amansız terror hadisələrindən olan Xocalı soyqırımı 200 ildən artıq müddətdə erməni millətçiləri tərəfindən xalqımıza qarşı aparılan etnik təmizləmə və soyqırımı siyasətinin qanlı səhifəsidir: "Xocalı soyqırımının günahkarları, təşkilatçıları və icraçıları layiqli cəzalarına çatmalıdırlar. Cinayət cəzasız qala bilməz."
Tədbirdə şagirdlər Ayan Miranlı, Nərmin Quliyeva, Sona Behbudova, İlkin Abbasov, Zoya Aslanlı və Nəzrin Fəyyaz şeirlər səsləndiriblər.
Sonra Xocalı soyqırımı ilə bağlı hazırlanan səhnəcik və videoçarx nümayiş etdirilib.