Xeberle.com Sumqayıt sakinləri arasında onlayn sorğu keçirib.
Şəhər sakinlərinə "Sumqayıtda daha çox hansı kommunal xidmətin işindən narazısınız?” sualı ilə müraciət edilib. Respondentlərə elektrik enerjisindən, su və kanalizasiyadan, qazdan, liftdən, telefondan, məişət tullantılarının daşınmasından, istilik təchizatından və mənzil haqqından kimi cavab variantları təqdim olunub. Sorğuda iştirak edən 1686 respondentin 421 nəfəri və ya 24,97 faizi hesab edir ki, su və kanalizasiya xidmətləri qənətbəxş deyil.
336 nəfər və ya 19,93 faiz respondent isə elektrik enerjisi xidmətindən narazılığını ifadə edib. İstilik təchizatından narazı olanların sayı 329 nəfər və ya 19.51 faizdir. Məişət tullantılarının daşınmasından 166 nəfər (9.85%), liftdən 152 nəfər (9.02%), mənzil haqqından 112 nəfər (6.64%), qazdan 99 nəfər (5.87%) və telefondan 71 nəfər (4.21%) narazıdır.