Əvvəlki illərdə olduğu kimi, İİV-infeksiyasının ölkədə yayılması əsasən yüksək riskli qrupa aid olan inyeksion narkotiklər istifa də - çiləri hesabına baş verir.

Belə ki, Azərbaycan vətəndaşları arasında 2015-ci ildə aşkar olunan İİV-ə yoluxma halların 21,9%, ümumilikdə isə 1992-01.01.2016-cı il tarixədək yoluxma halların 50,4% inyeksion narkotik istifadəsi nəticəsində baş verib.
Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyanın İşçi Qrupunun hazırladığı "Azərbaycan Respublikasında narkotiklərə nəzarət sahəsində 2015-ci il üçün Ölkə Məruzəsi”ndə  qeyd edilib.

Eyni zamanda ölkədə İİV-ə narkomanların yeni yoluxma hadisələrinin sayında azalma müşahidə olunur. 2015-ci il ərzində narkomaniyaya düçar olmuş insanların qanının İİV-ə müayinəsi nəticəsində, onlardan 42 İİV-infeksiyasına yoluxma faktı təsdiq olunub.   

2015-ci ildə 704 nəfər İİV infeksiyasına yoluxub.

Bunlardan 154 nəfər inyeksion narkotik istifadəçisidir. 405 nəfər heteroseksual kontakt, 31 nəfər homoseksual kontakt, 16 nəfər anadan uşağa ötürülmə, 98 nəfər isə naməlum yolla İİV-ə yoluxub.    

1987-ci ildən 2016-cı il yanvarın 1-ə qədər olan dövrdə ümumilikdə isə 5 min 439 nəfər  İİV infeksiyasına yoluxub. Onlardan 2 min 743 nəfər inyeksion narkotik istifadəçisidir. 2 min 82 heteroseksual kontakt, 92 nəfər homoseksual kontakt, 99 nəfər anadan uşağa ötürülmə, 422 nəfər naməlum yolla İİV-ə yoluxub.   

Zərərin azaldılması proqramı çərçivəsində, İİV-müsbət İNİ-in əvəzedici metadon terapiyaya cəlb edilməsi davam etdirilib. 2015-ci ilin sonunadək əvəzedici metadon terapiyaya 99 İİV-müsbət İNİ-i cəlb edilib, onlardan 4 nəfəri 2015-ci il ərzində olub.

İİV-müsbət insanlar tərəfindən yoluxdurma təhlükəsinin azaldılması və İİV-in yayılmasının qarşısının alınması, eləcə də İİV-lə yaşayan insanların həyat keyfiyyətinin yüksəldilməsi məqsədilə, Respublika QİÇS-lə Mübarizə Mərkəzində xəstələrə antiretrovirus preparatları ilə terapiya (ARV-terapiya) tədbiq edilir.   (Modern.az)