Əvvəllər ucuz smartfonlar istehsal edən "LeEco” şirkəti "Mobile World Congress” sərgisində hər kəsi özünün "Android” sistemdə işləyən ilk velosipedi ilə təəccübləndirib.
İKT.lent.az-ın "vistanews.ru” saytına istinadən məlumata görə, velosipedin ortasında elə bir cihaz quraşdırılıb ki, bu cihazın köməyi ilə zəng etmək, mətn məlumatları göndərmək, musiqi dinləmək və GPS-naviqatorda marşrutu təyin etmək mümkündür.
Bundan başqa, "LeEco” velosipedinin özəl funksiyası da var. Sükanda quraşdırılmış xüsusi ötürücünün köməyi ilə elə yoldaca velosipedçinin nəbzini yoxlamaq mümkün olacaq. Əlavə olaraq, bu nəqliyyat vasitəsində qaranlıqda hərəkət edərkən sürücünün yıxılmasına icazə verməyən lazerlər mövcuddur. Ekranı isə suyun və tozun daxil olmasından qorunur.
Bu möhtəşəm nəqliyyat vasitəsini artıq Çində almaq mümkündür. Qiyməti isə təxminən 800 dollar təşkil edir.
Xəbərdən istifadə edərkən istinad etmək vacibdir.