Sumqayıt şəhər İcra Hakimiyyəti və şəhər Gənclər və İdman Baş İdarəsinin birgə təşkilatçılığı ilə Sumqayıtdakı Heydər Əliyev Mərkəzində Ümummilli Lider, müstəqil Azərbaycan Respublikasının banisi Heydər Əliyevin siyasi hakimiyyətə gəlməsinin 45 illiyinə həsr edilmiş “Azərbaycanın özü qədər əbədi!” adlı dəyirmi masa təşkil edilib. Sumqayıt şəhər Gənclər və İdman Baş İdarəsinin Gənclərlə iş sektorunun müdiri Rüstəm Sadıqzadənin SİA-ya verdiyi məlumata görə, ilk öncə tədbir iştirakçıları Ümummilli Liderin həyat və fəaliyyətindən bəhs edən filmə baxıblar.

Dəyirmi masada Sumqayıt şəhər İcra Hakimiyyəti başçısının müavini Elgin Həbibullayev çıxış edərək Ulu Öndərin 45 il öncə başlamış xilaskarlıq və quruculuq missiyasının fəlsəfi, Vətən qarşısında əvəzedilməz xidmətləri, onun irsinin gənclər tərəfindən öyrənilməsinin tarixi əhəmiyyətindən bəhs edib.

Gənclər və İdman Baş İdarəsinin rəisi Musa Həsənovun, Heydər Əliyev Mərkəzinin direktoru Aygün Zülfüqarlının, Sumqayıt Dövlət Universitetinin “Azərbaycan tarixi” kafedrasının baş müəllimi, tarix üzrə fəlsəfə doktoru Elmar Xəlilovun, Yeni Azərbaycan Partiyası şəhər təşkilatı İdarə Heyətinin üzvü Ceyhun Məmmədovun, Təhsil Şöbəsinin nəzdində Gənc Müəllimlər Şurasının sədri Fərid Ağahüseynovun, 28 nömrəli tam orta məktəbin tarix müəllimi Aygün Rəhimovanın çıxışlarında dahi şəxsiyyət Heydər Əliyevin zəngin və çoxşaxəli fəaliyyətindən konkret faktlar üzrə danşılıb.(sia.az)