Azərbaycan Respublikasının Prezidenti yanında Gənclər Fondunun maliyyə, Gənclər və İdman Baş İdarəsi və Sumqayıt Gənclərinin Sağlam Gələcəyi Təşəbbüs Qrupunun təşkilati dəstəyi ilə icrası davam edən “Ürəyimizdəki Vətən Sevgisi” adlı layihəyə yekun vuruldu. 

Layihə çərçivəsində 20 iyul 2014-cü il tarixində şəhərin müxtəlif sahələrini əhatə edən yeniyetmə və gənclərin iştirakı ilə disput keçirilib.

Disput gənclərin ayaq üstə Azərbaycan Respublikası Dövlət Himni fonunda dövlətçilik atributlarımızı təbliğ edən qısametrajlı videoçarxa baxış ilə başlayıb.

Daha sonra çıxış edən layihə rəhbəri Pərviz Əlimuradov layihənin məqsəd, vəzifələri və gözlənilən nəticələri barədə geniş məlumat vermişdir. O, dövlətimizin başçısı İlham Əliyevin təşəbbüsü ilə respublikanın şəhər və rayonlarında bayraq meydanlarının yaradılmasının dövlət rəmzlərinin təbliğində təqdirəlayiq hal kimi vurğulamış, hər bir vətəndaşımızın dövlət rəmzlərimizi tanıması və onu qorumasının ümdə vətəndaşlıq vəzifələrindən olduğu bildirilib.

Disputda çıxış edən qonaqlar əsasını Ümummilli Lider Heydər Əliyevin qoyduğu dövlət rəmzlərinin təbliği siyasətinin bu gün cənab Prezident İlham Əliyev tərəfindən uğurla davam etdirildiyini, gənclərdə vətənpərvərlik və dövlətçilik hisslərinin gücləndirilməsi, onların hərbi vətənpərvərlik tərbiyəsi istiqamətində əməli işlərin görüldüyü qeyd ediliblər.

Müxtəlif sahələri təmsil edən ictimai fəal gənclərin disputda iştirak etməsi isə sözügedən mövzu ətrafında fikir mübadiləsini daha da maraqlı etmiş və iştirakçıların dövlət rəmzlərimizin təbliği istiqamətində fikirləri dinlənilib.

Sonda disput iştirakçılarına masaüstü dövlət bayraqları, dövlət rəmzlərimiz haqqında məlumatları özündə əks etdirən broşür, bukletlər təqdim edilmiş və keçirilmiş 2 disputda daha fəal olan 10 nəfər gənc ilə birlikdə Ulu Öndər Heydər Əliyevin şəhərdəki abidəsinin ziyarəti təşkil olunub.