Şərq ilə Qərbin qovuşduğu coğrafi ərazidə yerləşən ölkəmizin paytaxtı özünəməxsus memarlığı ilə fərqlənir. Paytaxtın simasına xüsusi yaraşıq verən yeni memarlıq nümunələrinin inşası Bakını daha da gözəlləşdirir. Bunlardan biri də “Alov qüllələri" kompleksidir.

"Alov qüllələri" kompleksi (ing. Flame Towers) — Bakı şəhərinin ən hündür binasıdır - hündürlüyü 190 metrdir. Tikiliş üçün 350 milyon ABŞ dolları xərclənib. Bu möhtəşəm kompleks hazırda dünyanıın ən gözəl müasir memarlıq incilərindən sayılır.

Alov qüllələri 2013-cü ildə Avropanın daşınmaz əmlak bazarında ən iri innovasiya layihəsi olan MIPIM 2013 müsabiqəsinin “Ən yaxşı otel və turizm mərkəzi” nominasiyasının qalibi elan edilib.

Təsadüfi deyil ki, Alov qüllələri şəhərimizin istənilən qonağını öz qeyri-adiliyi, gözəlliyi və möhtəşəmliyi ilə valeh edir. O, son illərin Bakısının əsl visit kartına çevrilib.

Müxtəlif fotoqrafların çəkdiyi fotoları təqdim edirik: