İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinqlər keçirilib.

Monitorinqlər zamanı Sumqayıtda fiziki şəxslərə məxsus mağazalarda saxlama müddəti ötmüş və normativ-texniki sənədlərin tələblərinə uyğun olmayan malların satıldığı aşkarlanıb. Bundan başqa, Sabunçu, Qaradağ və Binəqədidə fiziki şəxslərə məxsus mağazalarda normativ-texniki sənədlərin tələblərinə uyğun olmayan malların satıldığı müəyyən edilib. Həmçinin, Qaradağ, Göyçay, Saatlı, Qusar, Quba, Balakən, Şəki və Ağdamda fiziki şəxslərə məxsus mağazalarda saxlama müddəti ötmüş malların satıldığı aşkarlanıb.

Ümumilikdə, monitorinqlər zamanı 130 kq-dan çox saxlama müddəti ötmüş və ya normativ sənədlərin tələblərinə cavab verməyən ərzaq malları aşkar olunub, satışdan çıxarılaraq məhv edilib.(azadinform.az)