Bu il ali məktəblərə ümumilikdə 82734 nəfər ərizə verib.

TQDK-nın mətbuat xidmətindən verilən məlumata görə, onlardan 75506 nəfəri Azərbaycan, 7228 nəfəri isə rus bölməsinin məzunlarıdır. Ərizə verənlərdən 3322 - i I, 23095 - i II, 20652 - i III, 5765 - ü isə IV ixtisas qrupunu seçib.

 I-IV qruplar üzrə sənəd verən abituriyentlər növbəti mərhələdə qəbul imtahanlarında iştirak edəcəklər. Qəbul imtahanları cari ilin məzunları üçün I və IV qruplarda iyulun 15-də, II və III qruplarda iyulun 23-də, əvvəlki illərin məzunları üçün II və III qruplarda mayın 15-də, I və IV qruplarda mayın 22-də keçiriləcək.

 Nəzərinizə çatdıraq ki, abituriyentlər qəbul imtahanlarında iştirak etmək üçün imtahana 3 gün qalmış TQDK-nın rəsmi internet saytına daxil olaraq elektron ərizə verərkən istifadə etdikləri iş nömrəsi və şifrdən istifadə etməklə "Abituriyentin imtahana buraxılış vərəqi”ni çap etməlidirlər. Buraxılış vərəqəsində abituriyentin imtahan verəcəyi ünvan, imtahanın tarixi, vaxtı və digər məlumatlar qeyd olunur.

 Xatırladaq ki,  2016/2017-ci tədris ili üçün I-IV ixtisas qrupları üzrə ali təhsil müəssisələrinə qəbul imtahanlarında iştirak etmək istəyən abituriyentlərin ərizə qəbulu aprelin 1-dən 28-dək internet vasitəsilə aparılıb.( Lent.az)