Sumqayıt şəhər Gənclər və İdman Baş İdarəsi və Sumqayıt Dövlət Universitetinin "Ritorika” Universal Klubunun birgə təşkilatçılığı Sumqayıt Gənclər Evində "Erkən nikaha son” mövzusunda seminar keçirilib. Seminarda Sumqayıt şəhərində fəaliyyət göstərən ali və orta ixtisas məktəblərinin müəllim və tələbələri, ümumtəhsil məktəblərinin yuxarı sinif şagirdləri iştirak ediblər.

Seminarı giriş sözü ilə açan Baş İdarənin Gənclərlə iş sektorunun baş məsləhətçisi Ceyhun Hüseynov erkən nikahıncəmiyyətin aktual problemlərdən biri olduğunu qeyd edib və onun aradan qaldırılması üçün maarifləndirmə işlərinin aparılmasının vacibliyini vurğulayıblar.

Azərbaycan İqtisad Universitetinin akademik məsləhətçisi Arzu Allahyarova, Sumqayıt Dövlət Universitetinin müəllimi Əli Rzazadə çıxışlarında erkən nikah hallarına qarşı hamılıqla mübarizə aparılmasının vacibliyini önə çəkərək, bu işdə əmək kollektivlərinin, müəllimlərin, tələbə gənclərin, habelə valideynlərin üzərinə böyük vəzifə və məsuliyyətin düşdüyünü qeyd ediblər.

Sonda tələbə-gənclər ilə mövzu ətrafında fikir mübadiləsi aparılıb, iştirakçıları maraqlandıran suallar cavablandırılıb.