Təbiət Azərbaycanımıza, Bakı, Sumqayıt və digər sahilyanı şəhərlərimizə Xəzər dənizi kimi gözəl, təbii sərvətlərlə zəngin dəniz bəxş edib. Bəs biz Xəzər dənizinin qədrini nə dərəcədə bilirik?! İllərdir ki, bu dənizin istirahət, çimərlik - turizm potensialından yararlana bilmirik. Yaxşıdır ki, hələ indi bu sahillərdə bulvar tikilməyə başlayıb. Ümidvarıq ki, ərazi yüksək səviyyədə abadlaşdırılaraq müasir bir görkəm alacaq, sumqayıtlıların və şəhərimizin qonaqlarının ən sevimli istirahət məkanına çevriləcək. Əldə etdiyimiz məlumata görə, Sumqayıt ərazisindən Xəzərə kanalizasiya, çirkab suları daha axıdılmırdı... Lakin bu belə deyil... Bugünlərdə müxbirimizin çəkdiyi fotolar durumun təəssüf ki, fərqli olduğunu göstərir. Dənizə Sumqayıtın əsas hissəsindən çırkab suları axıdılmasa da, Xəzər bağları massivindən bu baş verir. Enli bir kanal yaşayış massivinin içindən keçərək Xəzərə tökülür. Bu da onu deməyə əsas veri ki, Sumqayıt ərazisində çimmək insan üçün əsl təhlükə mənbəyidir. Ümidvarıq ki, şəhər rəhbərliyi bu məsələyə operativ reaksiya verərək təcili tədbirlər görəcək.
Xeberle.com