Xeberle.com may ayı ərzində Sumqayıt şəhər sakinlərinin Prezident İlham Əliyevə yazdığı məktublardan bir neçəsinin mətnini təqdim edir.
Prezidentin rəsmi saytında yerləşdirilmiş məktublarda Prezident İlham Əliyevin Sumqayıta olan diqqət və qayğısından, şəhərimizin gündən-günə gözəlləşməsindən, şəhərdə həyata keçirilən abadlıq-quruculuq işlərindən razılıq ifadə olunur.
Prezidentin rəsmi saytında yerləşdirilmiş məktublardan bir neçəsinin mətnini təqdim edirik:
Vaqif Qəhrəmanovdan:
Çox hörmətli cənab Prezident.
Respublikamızın
bütün bölgələrində olduğu kimi, Sumqayıt şəhərində də geniş abadlıq-quruculuq
işləri aparılır. Şəhərin girişindəki yolda və dənizkənarı parkda görülən
işlər, məhəllə və mikrorayonlarda daxili yolların asfaltlanması, binaların dam
örtüklərinin əvəzlənməsi və fasadlarının təmir edilməsi, yol kənarlarına və
parklara gül kollarının əkilməsi şəhərimizə xüsusi görkəm verir. Biz bütün
bunları Sizin Sumqayıta olan diqqətinizin nəticəsi kimi qiymətləndiririk.
Çox
hörmətli Prezident, bütün bunlara görə şəhərimizin tibb işçiləri adından Sizə dərin
minnətdarlığımızı və təşəkkürümüzü bildiririk.
Heybətulla Əhmədxanovdan və başqalarından:
Hörmətli cənab Prezident.
Sumqayıt şəhərinə göstərdiyiniz diqqət və qayğıya görə Sizə minnətdarıq. Şəhərimizin girişindən tutmuş daxili məhəllələrinə kimi hər yerində görülən abadlıq-quruculuq işləri bütün sakinləri sevindirir. Dənizkənarı bulvarın müasir üslubda yenidən qurulması bu işlərə əlavə rəng qatır. Bulvarın istifadə veriləcəyi günü çox böyük səbirsizliklə gözləyirik.
Əziz Prezidentimiz, bu işlərin yerinə yetirilməsinə göstərdiyiniz qayğıya görə Sizə bir daha təşəkkür edir, gələcək işlərinizdə uğurlar arzulayırıq.
Aygün Qəhrəmanovadan:
Hörmətli cənab Prezident.
Azərbaycan mədəniyyətinə və incəsənətinə göstərdiyiniz
qayğı son illərdə bu sahələrin daha da inkişafına səbəb olub. Bu qayğı sayəsində yaradıcı insanlarda böyük maraq oyanıb,
möhtəşəm səhnə əsərləri ərsəyə gəlib, yeni sənətkarlar yetişib.
Sumqayıt Dövlət Dram
Teatrının binasının əsaslı təmir
olunması, müasir standartlara uyğun yenidən qurulması
da bu işlərin davamıdır.
Möhtərəm
Prezident, Sumqayıt mədəniyyət sahəsinə göstərdiyiniz diqqət və qayğıya
görə Sizə təşəkkürümüzü bildirir, fəaliyyətinizdə uğurlar arzulayırıq.
İslam Həsənovdan:
Hörmətli cənab
Prezident.
Sumqayıt
Dövlət Dram Teatrının binasının əsaslı təmir olunmasına, müasir standartlarına
uyğun yenidən qurulmasına görə teatrın kollektivi adından Sizə dərin minnətdarlığımızı
bildirir, böyük dövlətçilik fəaliyyətinizdə, fədakar xidmətinizdə uğurlar
arzulayırıq.
Sizin diqqətiniz
sayənizdə Azərbaycan mədəniyyətinin və incəsənətinin öz sözünü daha kəsərli deyəcəyinə
əminik.
Xəbərdən istifadə edərkən istinad etmək vacibdir.
