Mənim üçün azad qadın öz hüquqlarını bilən, zorakılığa qarşı mübarizə aparan "arvadı əri döyər və ya yaxşı at özünə qamçı vurdurmaz" kimi səviyyəsiz düşüncələrdən uzaq, ağıllı, savadlı, dünyagörüşlü, mənliyini qoruyan qadındır. Bir mənalı olaraq Azərbaycanda anadan, atadan, ərdən asılı qadınlar çoxluq təşkil edir. Lap qədimdən insanlarda cinsi münasibətlər heyvanlarda olduğundan çox fərqlənirdi. O dövrdə ərlərin və arvadların ümumiliyi hökm sürürdü. Cinsi əlaqələrə heç bir məhdudiyyət qoyulmurdu. Cəmiyyət inkişaf edib formalaşdıqca bu sahədə irəliləyişlər baş verdi. Ailənin əsasını nikah təşkil edirdi. Nikah ər və arvadın arasındakı münasibətləri və onların qarşılıqlı öhdəliklərini hüquqi yolla rəsmiləşdirən müqavilədir.
Səbəbindən asılı olmayaraq hər günkü şiddət, təzyiq qadınlar üçün böyük travma olur. Fiziki şiddət, psixoloji təzyiq, qadına yalnız bir işçi qüvvəsi kimi baxmaq, qiymətləndirməmək, onun qadın və ana kimi qərarlarına saymazlıq, ciddiyə alınmamaq adam yerinə qoyulmaması çox ağır hallardan biridir. Qadın anadır, qadın zərif məxluqdur, qadın əzabkeşdir, qadın etiraf edilməsə də ailədə aparıcı qüvvədir. Bütün bu sadaladıqlarımızı dərk etməyib inkar mövqeyində olaraq əsas zərər çəkmiş hədəf olurlar. Onlar gündəlik həyatda döyülürlər, təhqir edilirlər, təcavüz edilirlər, yaralanırlar və hətta öldürülürlər də. Əzəldən təbiətin qanunu olub, güclünün zəiflər üzərində hökmranlığı. Əgər insanlar törətdikləri hadisələrin son həddini fikirləşsəydilər bir çox hadisələrin qarşısı vaxtında alına bilərdi.
Göz önünə qadın gətirək. İllərlə döyülür, söyülür, ancaq təzyiqlərə məruz qalır. Nə qədər təzyiqlər görsə də susur, etiraz səsini ucaltmır, bacarmır. Çünki artıq uşaqlıqdan gördüyü və qəbul etdiyi stereotiplərlə yaşayır. Nədənsə bizim şablon və primitiv fikirlərimiz hələ də gündəmdədir. Günah bizim özumüzdədir, cəhalətimizdədir. Nədən qadını əzərək alçaldan kişi dərk etmir və unudur ki, onu də bir qadın dünyaya gətirib. İllərlə döyülən, hər cəhətdən alçalan qadın nəhayət ki, partlayışa səbəb olacaq bir addım atır. Özünü və gələcəyini xilas etmək üşün hansısa vasitələrə əl atmaq məcburiyyətində qalır. Və çox zaman çətinliklərdə olan, heç kimdən nə maddi nə də mənəvi köməyi dəstəyi olmayan qadın, potensial qurbandan insan alverinin qurbanına çevrilir. Bir sual düşündürür bizləri.
Qadın azadlığı, tələ, yoxsa sığınacaq? Sığınacaq qadınların müvəqqəti üz tutduğu yerdir. Belə sığınacaqlarda məişət zorakılığının qurbanları və insan alveri qurbanlarının ilk olaraq təhlükəsizliyidir. Ümid yeri ancaq sığınacaq evidir. Tələ isə bir növ məqsədli insanların sözlərinə aldanaraq "çirkaba" düşməsidir. Ona görə də ən yaxşı variant çalışaq xanımlarımızı nə tələyə salaq nə azadlıqdan məhrum edək, nədə ki öz evlərindən didərgin salıb sığınacaqlara göndərək.
Statistikaya görə hər 6 qadından biri əri tərəfindən zorakılığa məruz qalır. Və çətin durumda olan qadınlar məhkəmə qurumlarına və QHT-lərə üz tuturlar. Lakin bəzi hallarda bu kimi məsələlərə çox laqeyidcəsinə yanaşırlar. Son anda intihar etməyə, ərini öldürməyə ya da insan alverinin qurbanına çevrilməyə gətirib çıxarır. Zərif qadınlar o anda zərif deyilki,  ən zəif, psixoloji travmalı, cəmiyyət tərəfindən hər an qəbul edilməyən ya cinayətkara çevrilirlər ya da insan alverinin qurbanı olurlar. Çünki cəmiyyətimizdə belə bir fikir kök salıb: "Qol sınar içində qalar".
Belə ki, xanım ömrünün sonuna qədər həyat yoldaşının nöqsanları ilə qəbul etməlidir. Buda ki, mədəni şəkildə "qul" deməkdir. Qadınlar xüsusilə analar müqəddəs varlıqlardır. Boşuna deyilməyib ki, "Cənnət anaların ayaqları altındadır".
Qadın necə böyük varlıqdırsa, cənnəti belə ayaqlarının altına sərib peygəmbərimiz.
Hətta belə bir hədisdə mövcuddur ki, "Qadınları yarpaqla belə vurmaq günahdır".
Bütün bunlardan sonra qadınlarla nəinki pis davranmaq, onları ümumiyyətlə müxtəlif yollara çəkib cürbəcür düşüncələrlə şəxsi məqsədlər naminə istifadə etmək olmaz. Kimsə sabahından sığortalanmayıb. Cənnətin ayaqları altında olan varlıqların özlərini bəlaya sürükləməyin... 

Xəbərdən istifadə edərkən istinad etmək vacibdir.