Azərbaycan Respublikası
Prezidenti yanında Qeyri-Hökümət Təşkilatlarına Dövlət Dəstəyi Şurası maliyyə
yardımı ilə "Qadın
Təşəbbüsü və Sosial Problemlərin Həllinə Yardım” İB-nin icra etdiyi "Insan
alverinin potensial qurbanlarının maarifləndirilməsi və onlara sosial xidmətlərin təşkili, insan alverinin
qurbanlarının sosail reablitasıyasına yardım göstərilməsi” layihəsi çərçivəsində
"Risk qrupuna daxil olan insanlar: preventiv tədbirlər və sosial dəstək”
mövzusunda təlim keçirilib.
Təlimdə psixoloqlar, yuxarı
sinif şagirdləri, universitet tələbələri, müəllimlər, sosial işçilər və KİV
nümayəndələri iştirak ediblər.
"Qadın Təşəbbüsü və Sosial Problemlərin
Həllinə Yardım” ictimai birliyinin sədri Zenfira Mustafayeva çıxış edərək layihənin məqsəd və məramından danışıb,
insan alveri və onun fəsadları, potensial qurbanlarla işin qurulması haqqında təlim
iştirakçılarına məlumat verib.
Sonra birliyin sədri təlimin
eksperti Əmək və Əhalinin Sosial Müdafiə Nazirliyinin İnsan alverinə qarşı
mübarizə Mərkəznin rəhbəri Nəzakət Xudiyevanı iştirakçılara təqdim edib.
Ekspert iştirakçılara "İnsan alveri nədir və risk qrupuna kimlər daxildir” barəsində məlumat verib.
Ekspert həmçinin insan alveri qurbanlarının cəmiyyətə
reinteqrasiyasından söhbət açıb. N. Xudiyeva insan alveri qurbanı olmuş şəxslərin normal həyat tərzinə
qaytarılmasında psixoloqların, hüquqşunasların, sosial işçilərin rolundan geniş
bəhs edib, göstərilən xidmətlərin sayının və keyfiyyətinin artırılmasının
vacibliyini bildirib.
O, məhz buna görə qurbanların
cəmiyyətə reinteqrasiyasında maarifləndirmə və sosial dəstək önəmli olduğunu
qeyd edib.
Ekspert həmçinin qurbanlar üçün yardım mərkəzləri,
sığınacaqlar və onların fəaliyyəti barəsində təlim iştirakçılarına məlumat verib.
İnteraktiv formatda keçirilən
təlimdə layihəyə cəlb edilmiş şəxslər fəallıq
nümayiş etdirib, auditoriyanın qaldırdığı məsələlər müzakirə edilib, verilən
suallar ətraflı cavablandırılıb.
Təlim zamanı mövzuya aid 3
qısametrajlı film nümayiş olunub və bu filmlər ətrafında müzakirələr aparılıb.
Hər bir iştirakçı təlim
materialları və mövzuya aid təşkilatın broşur və bukletləri ilə təmin edilib.
Sonda təlimin qiymətləndirilməsi
ilə əlaqədar sorğular keçirilib.
İştirakçılarının əksəriyyəti təlimin
mövzusunun aktual olduğunu və gələcəkdə yenidən bu cür təlimlərdə iştirak etmək
istədiklərini qeyd ediblər.
Qeyd edək ki, layihə çərçivəsində
digər tədbirlərin də təşkili nəzərdə
tutulub.
Xəbərdən istifadə edərkən istinad etmək vacibdir.
