"Azərikimya” İstehsalat Birliyinin təşəbbüsü, respublika Qızıl Aypara Cəmiyyətinin Sumqayıt şəhər bölməsinin təşkilatçılığı ilə qazanılmış immunçatışmazlığı sindromu (QİÇS) xəstəliyi ilə bağlı maarifləndirici tədbir keçirilib.
Respublika QİÇS-lə Mübarizə Mərkəzinin mütəxəssisləri tərəfindən Birliyin baş ofisinin, Etilen-polietilen zavodunun və Təmir-tikinti idarəsinin əməkdaşları İİV (insanın immunçatışmazlığı virusu), İVV infeksiyası (İİV-ə yoluxma nəticəsində immun sisteminin getdikcə artan zədələnməsi ilə səciyyələnən xroniki infeksion xəstəlik) və QİÇS (qazanılmış immunçatışmazlığı sindromu – immun sisteminin ağır zədələnməsi ilə səciyyələnən İİV-in son mərhələsi) haqqında məlumatlandırmış, bu xəstəliyin respublikamızda inkişad dinamikası nəzərdən keçirilmiş, həmçinin xəstəliyin yoluxma, ötürülmə, yayılma yolları, profilaktikası və müdafiə metodları ilə bağlı tövsiyələrini vermişlər. 
Maarifləndirici xarakter daşıyan seminardan sonra Respublika QİÇS-lə Mübarizə Mərkəzinin mütəxəssisləri tərəfindən kimyaçılar arasında anonimliyi qorunub saxlanmaq şərti ilə könüllü skrininq-test analizi keçirilmişdir. 
Sonda "Azərikimya” İstehsalat Birliyinin Həmkarlar İttifaqı Komitəsinin sədri Vaqif Ömərov və respublika Qızıl Aypara Cəmiyyətinin Sumqayıt şəhər bölməsinin sədri Mətanət xanım Məhərrəmova dəvəti qəbul etdiklərinə görə Respublika QİÇS-lə Mübarizə Mərkəzinin əməkdaşlarına minnətdarlıqlarını ifadə etmişlər.

Xəbərdən istifadə edərkən istinad etmək vacibdir.