Standford Universitetinin İran əsilli professoru, xanım riyaziyyatçı Məryəm Mirzəxani Beynəlxalq Riyaziyyat Birliyi tərəfindən təsis olunan Filds Medalına layiq görülüb.
APA-nın “Reuters”-ə istinadən verdiyi xəbərə görə, 1936-cı ildə təsis olunan bu mükafatı indiyədək 56 nəfər alıb. M. Mirzəxani isə “Riyaziyyatçıların Nobel mükafatı” adlandırılan bu mükafata layiq görülən ilk qadın kimi tarixə düşüb.
Güney azərbaycanlı olan riyaziyyatçı hazırda Kaliforniyadakı Stantford Universitetində çalışır.
O, universitetin rəsmi saytında “Bu mənim üçün böyük şərəfdir. Əminəm ki, növbəti illərdə bu mükafatın qalibləri sırasında xanımların sayı daha çox olacaq” yazıb.
Qeyd edək ki, mükafat hər dörd ildən bir təqdim olunur. Builki təqdimat mərasimi Cənubi Koreyanın paytaxtı Seulda keçirilib.
Xəbərdən istifadə edərkən istinad etmək vacibdir.
