Gəncə Dövlət Universitetinin və «Odlar yurdu» ictimai birliyinin təşkilatçılığı ilə Gəncə şəhərində gənclərin yazıçı Varislə görüşü keçirilib.
Gəncə Dövlət Universitetinin akt zalında – 300-ə yaxın kitabsevərin iştirakıyla keçirilən görüşdə müasir Azərbaycan və dünya ədəbiyyatı, yazıçının həyat və yaradıcılığı barədə çıxışlar olub, yazıçı oxucuların suallarını cavablandırıb. Eləcə də yazıçı tədbirə qatılmış gənc yazarlarla fikir mübadiləsi aparıb, onlara tövsiyələrini verib.
Gəncə Mərkəzi Kitabxanası rəhbərliyinin müraciəti əsasında yazıçı bir neçə kitabını kitabxanaya hədiyyə edərək, tədbirə qatılan kitabxana nümayəndəsinə təqdim edib.
3 saata yaxın davam edən maraqlı görüş imza mərasimi və xatirə fotoşəkillərinin çəkilməsi ilə başa çatıb.
Yazıçı Gəncədə Dahi Nizami Gəncəvinin məqbərəsi önündə çəkdirdiyi fotonu da "Facebook" səhifəsində paylaşıb. İmza günündə çəkilmiş fotolarla yanaşı həmin fotonu da təqdim edirik.
Xəbərdən istifadə edərkən istinad etmək vacibdir.
