Sumqayıtlı blogger Nurlan Həsənsoy istehlakçı hüquqlarının pozulmasından şikayətlənib. N.Həsənov bu barədə Xeberle.com-a danışıb:
"Mən 29 sentyabr tarixində Bakı şəhəri Moskva Univermağı daxilində fəaliyyət göstərən "SF Jewellery" adlı zinət əşyaları dükanında qızıl üzük seçərək Səkinə adlı satıcıya beh verdim. Üzüyü götürmək üçün geri qayıdanda isə mənə bildirdilər ki, bu üzüklə bağlı yeni qiymət qüvvəyə minib və siz onu ancaq yeni qiymətlə ala bilərsiniz. Mən bu yanaşmadan mənfi mənada heyrətləndim.
Bu, açıq-aşkar istehlakçı hüquqlarının pozulmasıdır! Beh verildiyi andan etibarən qiymət və şərtlər dəyişməməlidir. Satıcı əvvəlki razılaşdırılmış qiymətə üzüyü satmağa borcludur", - deyə blogger bildirib.
O, fikrinə əlavə edib ki, istehlakçılar belə hallarda diqqətli olmalı və hüquqlarını tələb etməlidirlər.
Daha ətraflı aşağıdakı videoda:
Xəbərdən istifadə edərkən istinad etmək vacibdir.
