İ.Məmmədov Teleqraf.com-a açıqlamasında bildirib ki, o, ərizə yazaraq vəzifəsindən gedib: "İşdən çıxmağıma təəssüflənən, mənə dəstək olan həmkarlarıma təşəkkürümü bildirirəm. İşlədiyim müddətdə daim çalışmışam ki, ictimaiyyətlə, media ilə əlaqələrimi sıx, qarşılıqlı anlaşma şəraitində qurum. Mən heç vaxt, mətbu orqanlar, qəzetlər arasında fərq qoymamışam. Çalışmışam bütün suallara, müraciətlərə vaxtında, dolğun cavab verim. Bunu nə dərəcədə bacarmışam, deyə bilmərəm, jurnalistlər qiymət versələr daha yaxşı olar. Mən Nazirlikdəki postuma müxbirlikdən gəlmişəm. Ona görə də, jurnalistlərlə daha asan dil tapa bilirəm".

İ.Məmmədov əlavə etdi ki, hazırda işsizdi və iş axtarır: "İş təklifləri var, özüm də axtarışdayam. Hansı təklif ürəyimə yatsa, onu da qəbul edəcəm".

Qeyd edək ki, 2012-ci ildən Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsində şöbə müdiri vəzifəsində çalışıb.