Sumqayıt şəhərinin ərazisi 94,7 kvadrat kilometr, əhalinin sıxlıql isə bir kvadrat kilometrə 3565 nəfər təşkil edir ki, ölkənin başqa şəhərlərinə nisbətən əhalisi ən sıx olan şəhərdir. 2016-cı ilin iyul  ayının 1-i vəziyyətinə Sumqayıt şəhər ərazisinin əhalisi 337,6 min nəfər olub.
Xeberle.com-un məlumatına görə, bu rəqəmlər Dövlət Statistika  Komitəsinin Sumqayıt şəhər şöbəsinin 2016-cı ilin yanvar-iyul ayları ərzində şəhərin sosial-iqtisadi vəziyyətin təhlilində yer alıb.
Qeyd olunur ki, Sumqayıt şəhərinin əhalisi 302 min, H.Zeynalabdin qəsəbəsinin əhalisi 22,3 min, Corat qəsəbəsinin isə 13,3 min nəfərdir və ötən ilin müvafiq dövrü ilə müqayisədə 3300 nəfər və ya 1% artıb.
Əhalinin tərkibinə gəldikdə isə 168,1 min nəfər və ya 49,8 faizini kişilər,169,5 min nəfər və ya 50,2 faizini qadınlar təşkil edir. Bundan başqa şəhər ərazisində 52 min nəfərdən yuxarı qaçqın və məcburi köçkün məskunlaşıb. Sumqayıt şəhərinin əhalisinin 31 faizi 0-4 yaşında, 65 faizi 15-64 yaşda, 4 faizi isə 65 və yuxarı yaşda olanlardır.
Xeberle.com

Xəbərdən istifadə edərkən istinad etmək vacibdir.