İlk könüllü beynəlxalq tabur yaradılır.

Qazaxıstan nümayəndələri, Ukraynanın azərbaycanlılar və krım-tatar xalqları icması antiterror əməliyyatlarında iştirak etmək üçün könüllülərdən ibarət ilk beynəlxalq taburu yaradırlar.  

Oxu.Az "Naviqator" İnformasiya agentliyinə istinadən xəbər verir ki, taburun yaradılmasının təşəbbüskarlarından biri Qazaxıstanın demokratik müxalifətinin nümayəndəsi Aydos Sadıkovun bəyan etdiyinə görə, tabur əsasən xaricilərdən ibarət olacaq.

“Əsasən xarici ölkələrin vətəndaşları olacaq. Çünki bu ölkələrdə bu proseslər uzanır. Hamı anlayır ki, bu, yalnız Ukraynanın müharibəsi deyil. Bu, bütün Rusiya imperiyasının ambisiyaları ilə əlaqəli olan ölkələrə aiddir”, - “SiD” nəşri onun sözlərindən sitat gətirib.

“Ukrayna azərbaycanlılarının Konqresi” İctimai Birliyinin rəhbəri Xəqani Hüseynov bəyan edib ki, müvafiq müraciət Ukrayna prezidentinə göndərilib.

“Hərbi komissarlığa müraciət etmişik. Amma bu, daha rəsmi bir xətdir. Həm də Milli Qvardiya mövcuddur, prezidentin partizan hərəkatının yaradılması barədə sərəncamı var. Ali baş komandanın göstərişi olmadan heç kimi bura dəvət edilməyəcək”, - azərbaycanlıların icma rəhbəri yekunlaşdırıb.

Xatırladaq ki, dünən İlovaysk ətrafında döyüşlərdə hakimiyyət qüvvələri tərəfindən döyüşən Ukrayna vətəndaşlığını qəbul edən amerikalı Frankonun həlak olduğu məlum olub. Daha öncə isə onlar tərəfdən serblərin, italyanların və digər ölkələrin vətəndaşlarının döyüşdüyünü bildirmişdilər.