Aprel döyüşlərində şəhid olan ən yüksək rütbəli zabitimiz polkovnik Vüqar Yusifovun adı küçəyə verilib. Bundan sonra Şəmkirin Şiştəpə kəndində olan ən böyük küçə şəhid polkovnikimizin adını daşıyacaq.
Bu barədə Femida.az -a məlumatı şəhidin qaynı Kənan Əliyev verib. Onun sözlərinə görə, polkovnik Vüqar Yusifovun və digər iki şəhidin dəfn olunduğu kənd qəbirstanlığında kəndin imkanlı şəxslərinin maddi dəstəyi ilə böyük abadlıq işləri aparılıb. Yaxın zamanda orada açılış mərasimi də olacaq. Bundan əlavə şəhid polkovnikin adı Şiştəpə kəndində böyük bir küçəyə verilib.
Qeyd edək ki, şəhid polkovnik son 7 ilini Sumqayıtda yaşayıb.
Şəhid Polkovnik Vüqar Yusifovun keçdiyi həyat yolunu BURADAN oxuya bilərsiniz.
Xəbərdən istifadə edərkən istinad etmək vacibdir.
