Himayəsində azyazşlı qızı və əlil anası olan İlkin Ağazadə paytaxta iş axtarmağa gəlibmiş
O, ictimaiyyətdən kömək istəyir: "Yaşamaq üçün mənə təcili iş lazımdır”

"Bu saatlarda ofisimizin qarşısında bir gənc oğlanın yıxıldığını görüb ona yardım etdik. Həyətə gətirdik. Acından yıxılıbmış. Məlum oldu ki, 24 yaşı var. 1 yaşında qızı və ayağı şikəst olan anası himayəsindədir. Evlidir. Sumqayıtdan Bakıya iş axtarmağa gəlib. İlkin yardım göstərdik. Qızı üçün bez və s. yardım etdik. Ona mümkün qədər iş tapmaqda yardım edək. Telefon nömrəsi: 055 872-62-31”.

Bu mesajı izləyicimiz  "whatsapp” nömrəmizə göndərib. Biz dərhal adıçəkilən şəxsə zəng edərək onunla danışdıq. O, Ağazadə İlkin Mahir oğludur. İlkin bizimlə söhbətində izləyicimizin verdiyi məlumatı təsdiqləyərək iş axtarışını davam etdiyini bildirdi.  O, probleminin ictimailəşməsini və iş tapmaqda köməkliyin olunmasını istədi.

Bərbər peşəsinə yiyələnən İlkin bir ildir ailəlidir və bir övladı var. İş axtarmaq üçün müxtəlif təşkilatlara müraciət etsə də, bu müddət ərzində ona daimi işi təklif olunmayıb.

"Müraciət etdiyim hər yerdən "gedin, biz sizinlə əlaqəda saxlayacağıq” deyiblər. Mən bərbərəm, amma dekorasiya işlərini də bacarıram. Hotellərə müraciət etmişəm. Bu istiqamətdə hotellərdə və şadlıq saraylarında müəyyən işlər görmüşəm. Yəni təcrübəm var. Amma daimi işim yoxdur”,-deyə İlkin Ağazadə bildirir. 

Hazırda valideynlərilə darısqal otaqda yaşadığını bildirən İlkin iş tapan kimi kirayə evdə yaşaya biləcəyini deyir.

"Mən, həyat yoldaşım və övladım valideynlərimlə yaşayırıq. Bizim eyni evdə qardaşım da qalır. Dözülməz şəriatdir. Mən istəyirəm ki,  ailəm yaxşı mənzil şəraitində yaşasın. Yeməyə çörəyimiz olsun”,-deyə İlkin Ağazadə bildirir. 

Xəbərdən istifadə edərkən istinad etmək vacibdir.