Sumqayıtda oğurlanan bir körpənin tapılmağı haqqında məlumatlar vermişdik. 

ANS TV-nin bu haqda videosüjetini təqdim edirik:

Zərər çəkən ana Ayseli körpəsi qucağında Sumqayıt Şəhər Pols İdarəsində görmək nə qədər xoş idisə, bu işin təfərrüatlarına varmaq bir jurnalist kimi mənə daha xoş və maraqlı idi. Ayselin körpəsini oğurlayan bu qadın, 1968-ci il təvəllüddü Xırda Babayevadır. 

Xırda Babayeva körpəni Bİnəqədidə kirayə qaldığı evdə saxlayıb. Körpənin yeri aşkar edildikdən sonra o, həkim müayinəsindən keçirilib. Sonra sağ-salamat anasına təhvil verilib.

“Ümidimi itirməmişdim, bilirdim ki, körpəm tapılacaq. Eyni zamanda bu işdə əməyi olan bütün polis əməkdaşlarına, o cümlədən də sizlərə təşəkkür edirəm”, - deyə Aysel Əhmədova qeyd edib.