Sumqayıt şəhər
9 nömrəli orta məktəbdə 21
sentyabr-"Beynəlxalq Sülh Günü” münasibətilə tədbir keçirilib. "Sülh quruculuğu”mövzusunda keçirilən tədbirdə məktəbin təlim-tərbiyə işləri üzrə direktor
müavini Faiq Bayramov, tərbiyə işləri
üzrə direktor müavini İlkin Əliyev, müəllimlərdən Aynurə Şirinova, Elnarə Əliyeva, Nərgiz Yusifova
və şagirdlər iştirak ediblər.
Təlim-tərbiyə
işləri üzrə direktor müavini Faiq Bayramov 1982-ci ildən bəri bütün
dünyada qeyd olunan "Sülh Günü” nün tarixi haqqında ətraflı məlumat verib.
Bildirib ki, BMT bu günü 1981-ci ildə təsis
edib. İlk sülh günü 1981-ci ilin sentyabrında qeyd olunub. Lakin 2001-ci ildə
Birləşmiş Kralıq tərəfindən təklif olunan qətnamə ilə 2002-ci ildə BMT Sülh
günü üçün 21 sentyabr tarixini dəqiq tarix kimi müəyyənləşdirib və bu tarixi
ümumdünya atəşkəs günü elan edib.
Direktor müavini çıxışında qeyd edib ki, ən sülhsevər
xalqlardan biri olan, dünyanın ən tolerant ölkəsi olan Azərbaycan 20 ildən
artıqdır ki, müharibədən əziyyət çəkir, bir milyondan artıq vətəndaşı öz
el-obasından didərgin düşüb.
Həmçinin
vurğulanıb ki, dünyanın bütün insanları üçün çox vacib hesab edilən bu günün əsas
mahiyyəti hər il bu ad altında yaşından, irqindən, milliyyətindən, dinindən və
cinsindən asılı olmayaraq, hər kəsi sülhə çağırmaqdır.
Tədbirdə şagirdlər sülh və vətənpərvərlik mövzularında şeirlər səsləndiriblər.
Xəbərdən istifadə edərkən istinad etmək vacibdir.
