Bu gün (22.09.2016-cı il tarixdə) M.Ə.Rəsulzadə adına kitabxana filialı "Multikulturalizm Azərbaycanda həyat tərzidir" mövzusunda dəyirmi masa təşkil etdi. Tədbirdə "Tarixi Araşdırmalar Qurumu”nun həmtəsisçisi, şərqşünas, "Birlik.az” saytının rəhbəri Hətəmov Vüsal, Bakı Özəl Tədris Mərkəzinin müəllimi Hacı Hacıyev, SDU-nun tələbələri, eyni zamanda "Ritorika Universal Klub”un idarə heyətinin üzvləri- Aidə Əsədova, Mirəli Miriyev, Heydər Əzizili, Şamil Zeynalov, "Türk Dünyası Kürşad Dərnəyinin üzvləri-Toğrul Məmmədov, Hüseyn Məmmədov, Rüstəm Həsənov, Gülər Kərimova, Bəhram Bəhramlı və 14 saylı tam orta məktəbin şagirdləri iştirak etdilər. Tədbiri kitabxananın müdiri Ofelya xanım açıq elan edərək bildirdi ki, Prezident İlham Əliyev Nazirlər Kabinetinin 10 yanvar toplantısında 2016-cı ildə Bakıda bir neçə mötəbər tədbirin, o cümlədən BMT-nin Siviliza-siyalar Alyansının VII Qlobal Forumunun keçiriləcəyini bildirərək, 2016-cı ili Azərbaycanda "Multikulturalizm ili” elan edib. Ofelya xanım söylədi ki, hər bir şəxs həm öz mədəniyyətinin, həm də dünya mədəniyyətinin təmsilçisidir. Bir dövlət ərazisində yaşayan çoxlu sayda xalqlar elə dünya mədəniyyətinin həmin dövlətdə kiçik bir mədəni modelini formalaşdırır. Vüsal Hətəmov çıxış edərək, Xalqın mədəniyyət tarixi və tarixi kimliyi maddi nümunələr əsasında sübuta yetirirldiyini söylədi. Azərbaycan multikul-turalizmin əsas məkanlarından biridir. Məzmunca multikulturalizm ənənələri Azərbaycanda əsrlər boyu həmişə mövcud olub. Azərbaycan çoxmillətli, qonaqpərvər bir diyardır. Burada tarixən birgə yaşayan xalqlar, toplumlar özlərini azad, firavan hiss ediblər, çünki onlar özlərinə həmişə tolerant münasibət görüb, sıxılmadan yaşayıb, yaşayır və mədəniyyətlərini yaşadırlar. Bu gün ölkəmizdə başqa xalqların nümayəndələri öz ana dillərində təhsil ala bilir, öz dini inanclarına uyğun ibadət edir, heç bir ögey münasibətlə üzləşmədən müxtəlif sahələrdə öz töhfələrini verirlər. Hacı müəllim çıxışında Multikulturalizmi etnik-mədəni müxtəlifliklərin və onların əsasını təşkil edən dəyərlərin qorunması və inkişafını nəzərdə tutulduğunu qeyd etdi. Bu, isə insanların hüququ və azadlıqlarının müdafiə olunmasının tərkib hissəsidir. Multikulturalizmi təbliğ edən ölkə onu dövlət ideologiyasının tərkib hissəsi, dövlət siyasəti səviyyəsinə qaldırır. Çıxış edən tələbələr də olduqca maraqlı fikir bildirdilər. Qeyd etdilər ki, Multikulturalizm çoxlu sayda xalqların adət-ənənələrini, vərdişlərini ümumiləşdirir. Multikulturalizm sayəsində dünyanın mədəniyyət potensialı bir məkana cəlb olunur. Multikulturalizm xalqın və dövlətin dünyəviliyini təmin edir və xalqın, millətin, dövlətin dünyada sürətlə tanıdılmasını həyata keçirir.
Xəbərdən istifadə edərkən istinad etmək vacibdir.
