Sumqayıt Gənclər Evində şəhər Gənclər və İdman Baş İdarəsinin təşkilatı dəstəyi ilə Gənclər Fondunun 8-ci qrant müsabiqəsində qalib olan "Dostluğumuz Kitabdan Başlasın” layihəsi çərçivəsində disput-sərgi keçirilmişdir. Tədbirdə şəhərin ali, orta-ixtissas təhsil müəssisələrində təhsil alan tələbələr, müxtəlif sahələri təmsil edən könüllü gənclər və tərəfdaş təşkilatların nümayəndələri iştirak etmişlər.
İctimai-fəal gənc Taleh Əliyev tədbirdə çıxış edərək əsas məqsədin gənclərdə kitab oxuma vərdişini inkişaf etdirmək, onların gündəlik həyat vərdişlərinə kitab mütaliəsi əlavə etmək, nizamlı kitab oxuma vərdişini artırmaq və mədəni dəyərlərin təbliğində gənclərin rolunu artımaq olduğunu qeyd etmişdir. Tədbirdə kiçik kitab sərgisi təşkil olunmuşdur ki, gənclər oxuyub bitirdikləri kitabları sərgiyə təqdim etməklə kitab mübadiləsi edə, yeni mütaliə obyekti qazana bilərlər. Layihənin davamlılığının təmin edilməsi üçün Sumqayıt Gənclər Evində "Kitab Klubu” yaradılıb və gənclər kluba üzv olaraq asudə vaxtlarını kitab oxumaqla səmərəli keçirə bilərlər.
Daha sonra maarifləndirici videoçarx nümayiş olunmuş və gənclər arasında kitab oxumağa marağın artırılması istiqamətində fikir mübadiləsi aparılmışdır.

 

 

Xəbərdən istifadə edərkən istinad etmək vacibdir.