Tədbir Sumqayıt şəhər İcra Hakimiyyətinin təşəbbüsü, Mədəniyyət Turizm İdarəsinin, Gənclər və İdman Baş İdarəsinin və Sumqayıt Dövlət Universitetinin təşkilatçılığı ilə baş tutub.

Demokratik Konstitusiyamızın yaradılması barədə mühazirə ilə çıxış edən SDU-nin dosenti Zahid Bünyadov bildirib ki, Azərbaycan müstəqillik əldə etdikdən sonra yeni Konstitusiyanın hazırlanması zərurəti yarandı. Bunun üçün Prezident Heydər Əliyev başda olmaqla xüsusi komissiya yaradılmış, Konstitusiya layihəsi ümumxalq müzakirəsinə verilmişdi. 1995-ci il noyabrın 12-də ümumxalq referendumu ilə Müstəqil Azərbaycanın ilk Konstitusiyası qəbul olunub. Həmin gündən 12 noyabr Azərbaycan Respublikasının Konstitusiya günü kimi qeyd olunur.

Daha sonra SDU-nin Baş hüquqşünası dosent Əminə Hüseynova 26 sentyabr 2016-cı il tarixində keçirilmiş ümumxalqsəsverməsi - referendum yolu ilə Azərbaycan Respublikasının Konstitusiyasında edilmiş dəyişikliklər barədə iştirakçılara məlumat verib.