Sumqayıtda növbəti ağacəkmə aksiyası keçirilib. Bakı-Quba avtomagistral yolunun kənarında keçirilən ağacəkmə aksiyasında şəhər rəhbərliyi, idarə və təşkilatlarının, orta və ali təhsil müəssisələrinin, təsərrüfat xidmətlərinin işçiləri iştirak ediblər. Ərazidə təmizləmə işləri aparılıb, yeni torpaq qatı salınıb. Aksiya çərçivəsində yol kənarlarındakı mövcud yaşıllıqlara qulluq olunub və 5000-ə yaxın sərv, tut, zeytun, çinar və şam ağacları əkilib. Aksiya zamanı yeni əkilən ağaclar suvarılıb və onlara aqrotexniki qulluq göstərilib.Mütəmadi olaraq şəhərin müxtəlif ərazilərində yəni kampaniya xarakterli deyil, gündəlik olaraq Sumqayıt şəhərinin daxilində məhəllə və mikrorayon ərazilərində təxminən 2000-3000 ədəddən çox müxtəlif növ ağacların əkilməsi davam etdirilir. Sumqayıt şəhər Mənzil Kommunal Təsərrüfat İstehsal Birliyinin rəisi Rahim Mustafayev söyləyib ki, bu günə kimi Bakı-Quba magistral yolunun ətrafında demək olar ki, 20 mindən yuxarı ağac əkilib. Hal-hazırda müxtəlif yerlərdə də - boşluq təşkil edən ərazilərdə də yaşıllaşdırma işləri davam etdiriləcək. Magistral boyu gələcəkdə xidmət göstərilməsi üçün su ilə təmin olunması üçün hal-hazırda su xətləri də çəkilib. Demək olar ki, tam xidmət üçün hazırdır.

Xəbərdən istifadə edərkən istinad etmək vacibdir.