Sumqayın sayılıb-seçilən tərbiyə müəssisələrindən olan Abdulla
Şaiq adına 39 saylı uşaq bağçasında "Yeni il” və "Dünya Azərbaycanlılarının Həmrəylik
Günü” münasibəti ilə bayram tədbiri keçirilib. Şənlikdə körpələrin valideynləri
də iştirak ediblər. Bağçanın müdirəsi Esmira Musayeva tədbiri açıq elan edərək
qonaqları salamlayıb və qarşıdan gələn bayramlar müasibətilə ən səmimi
arzularını çatdırıb.
Daha sonra şənlikdə
azyaşlılar yeni ilə və Azərbaycana həsr edilən şeirlər söyləyib.
Balacaların söylədikləri
şeirlər alqışlarla qarşılanıb. Uşaqların nümayiş etdirdiyi yeni il səhnəcikləri
və rəngarəng rəqslər maraqla izlənib. Uşaqlar qar qız və şaxta baba obrazlarını
canlandıraraq şənliyi daha da yadda qalan ediblər. Tədbir şən rəqslərin ahəngi
ilə yekunlaşıb.
Qeyd edək ki, ötən
il olduğu kimi bu ildə Sumqayıt şəhər
İcra Hakimiyyətinin Başçısı Zakir Fərəcov balaca fidanları yaddan çıxarmayıb. Belə ki, şəhər rəhbəri bütün tərbiyə müəssisələrinin körpələrini
və kollektivini "Dünya Azərbaycanlılarının Həmrəylik Günü” və "Yeni il”
münasibəti ilə təbrik edib. Şəhər rəhbərinin bu nəcib addımı valideynlər
tərəfindən böyük sevinclə qarşılanıb.
Abdulla Şaiq
adına 39 saylı uşaq bağçasının valideynləri
saytımızın ünvanına təşəkkür məktubu da göndəriblər. Məktubu diqqətinizə çatdırırıq:
"Çox hörmətli Zakir
müəllim,
Sizin tərəfinizdən
şəhərimizin uşaq bağçalarında tərbiyə alan körpə fidan balalarımızın "Dünya Azərbaycanlılarının
Həmrəylik Günü” və "Yeni il” münasibəti ilə hədiyyələrlə təbrik olunması uşaqlar qədər bizi də
sevindirdi.
Bu təbrik
uşaqlara göstərilən diqqət və qayğının gözəl nümunəsidir. Biz valideynlər sizin bu qayğıkeşliyinizi qiymətləndirir
və dərin təşəkkürümüzü bildiririk.
Sizi qarşıdan gələn
bayramlar münasibəti ilə təbrik edir,çətin və
məsuliyyətli işinizdə yeni-yeni
nailiyyətlər arzulayırıq.”
Xeberle.com
Xəbərdən istifadə edərkən istinad etmək vacibdir.
