İtaliyalı tədqiqatçılar Misirdə səhrada yerləşən bir mağarada 5 min illik olduğu təxmin edilən qaya rəsmləri tapdıqlarını açıqlayıblar. 5 min illik qaya rəsmləri özündə olduqca qəribə simvolları ehtiva edir. Rəsmlər İsa peyğəmbərdən 3 min il əvvəlki İsanı xatırladır.

Səhrada yerləşən bir mağaranın tavanında 5.000 illik qaya rəsmləri kəşf edilib. Rəsmdə həm atayla ananın bir yerdə olduğu ilk doğuş səhnəsinin təsvir edilməsi, həm də rəsmdəki kişinin İsa peyğəmbərə bənzər duruşu alimləri təəccübləndirib.
 
Qırmızımtıl qəhvəyi kəhrəba rəngi boyayla çəkilmiş şəkillər Nil vadisi və Gilf Kəbir Yaylası arasındakı qayalıqlarda yerləşən bir mağaranın üst hissəsində olub. Tədqiqatçılar mağaraya içindəki rəsmlərə görə "Valideynlərin mağarası" adını veriblər.
 

 

Şəklin bundan başqa maraqlı bir xüsusiyyəti daha var. Belə ki, şəkildəki kişi fiquru Xristian ikonalarındakı İsa peyğəmbərin duruşunu xatırladır. Sanki şəkildə İsa peyğəmbərdən 3 min il əvvəl çəkilmiş bir İsa ikonoqrafiyası var. Mütəxəssislər də bildirir ki, şəkildəki kişinin duruşu İsa peyğəmbərin çox geniş yayılmış təsvirlərinə çox bənzəyir. Hətta İsanın Braziliyadakı məşhur böyük heykəlinin sanki eynisidir. 
 
Qeyd edək ki, tədqiqatçılar bu mağaranı 2005-ci ildə kəşf ediblər, ancaq rəsmlərdəki bu müəmmalar üzündən açıqlamanı indi yayıblar. "Bu rəsm güclü xristian simvollardan birinin ikonoqrafiyası haqqında yeni suallar ortaya atdığı üçün daha diqqətli olmalıydıq. Çünki bu rəsmə xristianlıqdan əvvəl başqa heç bir yerdə rast gəlməmişik. Erkən xristianlıq dövrü ərəfəsində belə buna bənzər rəsm tapmadıq" deyə açıqlama veriblər.(Moderator.az )

Xəbərdən istifadə edərkən istinad etmək vacibdir.