Dünyada ənənəvi çap mediasından imtina tendensiyası sürətlə davam edir. Hətta qəzetlər çap versiyasından imtina edərək online variantında fəaliyyətlərini davam etdirilər. Ölkəmizdə də analoji proses müşahidə olunur. Əvvəlki onilliklərlə müqayisədə köşklərdən qəzet soruşanların sayı azalıb. Bir vaxtlar yüksək tirajla çap olunan onlarla Sumqayıt qəzetləri indi ciddi problemlərlə üzləşib. Şəhərdə apardığmız müşahidə belə deməyə əsas verir ki, burada qəzetə olan tələbat azalıb. Ötən 65 ildə Sumqayıt şəhərinin salnaməsini yazan "Sumqayıt” qəzetinin baş redaktoru Qüdrət Məlikov deyir ki, indi şəhərdə tək-tük insana rast gələrsən ki, qəzet alıb oxusun. O, bunun səbəbini belə izah etdi. Baş redaktor deyir ki, vaxtilə qəzetin ərsəyə gəlməsində 20-yə yaxın işçinin əməyi var idisə indi bu say cəmi 6 nəfərdir. Müasir Azərbaycan mətbuatının ən stajlı qəzetlərindən biri olan və müstəqilliyimizin yaşıdı olan "168saat” qəzeti də ciddi problemlərlə qarşılaşıb. Təbii ki, oxucularda qəzetə olan marağı artırmaq məqsədi ilə bir sıra layihələr həyata keçirilib. Amma görünür effektiv olmayıb. Çünki indi elektron mətbuata olan təlabat daha çoxdur. Hazırki vəziyyət onu göstərir ki, çap mediasına qarşı azalan tələbat getdikcə qəzetlərin sıradan çıxması ilə nəticələnə bilər.