Yanvarın 20-də   Ümummilli Matəm günü ilə bağlı  Milli Şuranın Sumqayıt şöbəsinə daxil olan partiyaların nümayəndləri   Sumqayıt şəhər Şəhidlər xiyabanını ziyarət ediblər. Bu barədə “Xeberle.com”-a  AXCP Sumqayıt şəhər şöbəsinin sədri  İsa Qurbanov məlumat verib.  Onun bildirdiyinə görə Milli Şura nümayəndələrinə burada əklil qoymağa icazə verilməyib.

Belə ki, polislər müxalifət nümayəndələrinin istəyinə qarşı çıxıblar və polislər müxalifətçilərə bildiriblər ki, “heç kimə əklil qoymağa icazə verilmir”.

Milli Şuranın Sumqayıt təşkilatının  üzvləri isə bununla razılaşmayaraq, gətirdikləri əklili şəhidlərin məzarları üstünə qoymaq istəylərinə nail olublar.