Fazil Mustafa: "Bu problemin həllinə ehtiyac var.
Sabiq müdafiə naziri Tacəddin Mehdiyev saytımıza açıqlamasında ön xətdə 18 yaşlı təcrübəsiz çağırışçıların xidmət etməsinin doğru olmadığını bildirib.
Maraqlıdır, doğrudanmı ön xəttə həm yaş, həm də döyüş təcrübəsinə görə daha yetkin şəxslər cəlb olunmalıdır?
Xeberle.com bildirir ki,Moderator.az-a açıqlama verən millət vəkili Fazil Mustafa burada həm yaş, həm də təcrübə amilinin nəzərə alınması gərəkdiyini vurğuladı:
"Əlbəttə, ön xətdə nə qədər təcrübəli şəxslər olsa, bu, işin bir o qədər xeyrinə olar. Lakin burada təlimin də əsas rolu var. Təlimin yaxşı olması üçün orta məktəblərdə hərbi təlim dərslərinin bərpa olunmasına ehtiyac var. Əgər hər hansı bir şəxs istər 18, istərsə də 20 yaşında xidmətə getsin, ilkin hərbi təcrübəyə, bilik və bacarığa yiyələnməyibsə, bütün hallarda orada çətinlik çəkəcək. Biz müharibə aparan bir ölkəyik və ona görə də bu məsələ öz həllini tapmalıdır”.
Xəbərdən istifadə edərkən istinad etmək vacibdir.
