Ruh yüksəkliyimiz
böyük idi, əsgərlərimiz yaralı halda belə döyüşürdülər.
Müzəffər
Ali Baş Komandanın qayğısı və rəhbərliyi, bizim qarşımıza qoyulan tapşırığa əsasən
bütün şəxsi heyət o məsuliyyəti hiss edərək canla-başla yerinə yetirirdi.
Xeberle.com xəbərverir ki, bu fikirləri şanlı Ordumuzun Vətən
müharibəsində qazandığı tarixi zəfərlərdə əməyi olan qazimiz, könüllü əsgər
Cavadzadə Cavad Elşad oğlu söyləyir.
İkinci Qarabağ müharibəsinin başlaması ilə Cavadzadə Cavadın da da arzusu
reallaşır. Çünki 2016-cı ildə baş verən
aprel döyüşləri zamanı hərbi xidmətdə olan Cavad elə o vaxtdan düşməndə
haqsız yerə axıdılan qanların əvəzi qaldığı üçün heyifislənirmiş. Azərbaycanın
haqq savaşında öz döyüş yoldaşları ilə birgə qəhrəmancasına vuruşan könüllü əsgər
torpaqlarımızın işğaldan azad olunması üçün bu böyük fürsəti canı-qanı ilə dəyərləndirir.
Oktyabr ayının 5-dən cəbhəyə yollananaraq Füzuli rayonu istiamətində gedən
döyüşlərdə olub. Daha sonra Cəbrayıl
rayonu və Hadrut qəsəbəsinin azad
olunmasında iştrak edir. Yenidən Füzuli
uğrunda gedən döyüşlərə qatılır, lakin oktyabr ayının 27- də yaralanır. Ağır artilleriya mərmisi hesab olunan 120
mm-lik minataatanın mərmisinin yaxınlığında partlaması nəticəsində sağ
qolundan ağır dərəcəli çoxsaylı qəlpə yarası və partlayışın
yaratdığı təzyiq nəticəsində aşağı ətrafları zədələnir. İlkin olaraq hərbçi yoldaşlarının köməkliyi
ilə tibbi yardım edildikdən sonra Hadrut qəsbəsində yerləşən tibb məntəqəsinə,
oradan isə Füzuli rayon Bəhmənli Diaqnostika
Mərkəzinə yerləşdirilir. Həkimlərin cərrahi
müdaxiləsindən sonra qəlpələrin müəyyən hissəsi
çıxarılır, 3 gün orada müalicə olunduqdan sonra növbəti əməliyyatlar
üçün Bakı şəhər Hərbi Hospitalına təxliyyə olunur.
Qazimiz müharibədən, şərəfli döyüş yolundan, əsgər
və zabitlərimizin şücaətlərindən elə həyəcanla danışırdı ki, şiddətli döyüşlər
gözümüzün önündə canlanırdı. Aydın olurdu ki, müzəffər sözünün haqqını verən
belə bir orduya yalnız Böyük Qələbə yaraşardı. Nəhayət, o zəfərin də bu gözlər
şahidi oldu: "Hətta mən elə hərbi qulluqçu görürdüm ki, avtomatla belə tanka atəş
açırdı, düşmən tankını qoyub qaçırdı. Düşmənin strateji mövqelərinin alınması,
müəyyən kəndlərimizin təmizlənməsində iştirak etmişəm.
Qeyd edək ki, Cavadgil ailədə iki qardaşdırlar. Xəstə ata və anası döyüşə gedənə qədər Cavadın himayəsində olub.
Xədicə
Səxavətqızı
Xəbərdən istifadə edərkən istinad etmək vacibdir.