Bu gün qadınlardan çox gülsatanlar sevinir. Onlar demək olar ki, ilin heç bir günündə 8 Martdakı qədər alver eləmirlər. Ona görə də fürsətdən istifadə edib bu bayramda güllərin qiymətini qaldırırlar. Xüsusilə qızılgüllər az qala qızıl qiymətinə satılır. Adi günlərdə 1 dənəsi 3 manata satılan qızıl gülün qiyməti Beynəlxalq Qadınlar Günündə fərqli olur. Qiymət məsələsində dəstənin böyüklüyü də rol oynayır. Martın 8-i sünü güllər də qiymətə minir. Bundan əlavə aşağı qiymətə olan ətirlərə tələbat da artır. Məsrəflərə baxmayaraq hər bir kişi həmin gün imkanı daxilində qadınları sevindirməyə çalışır. Hərə bacardığı kimi. Qadınların əksəriyyəti 8 Martı il boyu səbirsizliklə gözləyir. Onlar əks cinsin nümayəndələrindən bayram günü xüsusilə diqqət, qayğı görmək istəyirlər.  Biz də öz növbəmizdə küçələri təmizləyən dalandarlardan birini bu bayram günündə təbrik etmək qərarına gəldik.Əziz kişilər, unutmayın, bayram günü göstərdiyiniz diqqət və qayğı yalnız simvolik əhəmiyyət daşıyır. İlin bütün günlərində xanımlarınızı sevin, qoruyun!

Xəbərdən istifadə edərkən istinad etmək vacibdir.