"Allah heç kimi xəstəxanalıq etməsin. Bizim "şəfa verən" həkimlərimiz, hər mənada can almağı da bacarırlar...Bilmirsən ki, dərdinə kor olub, içindəki yanğıyla əlin xəstənin və öz ürəyinin üstündə olsun, yoxsa ki, cibində... Allah sizə insaf versin - SAĞLAMLIĞIMIZIN KEŞİYİNDƏ DURANLAR...Ağlınız işləyən kimi, ürəyiniz də işləsin..."
Xeberle.com Moderator.az-a istinadən xəbər verir ki, bunu tanınmış bəstəkar-şairə Xanım İsmayılqızı öz feysbuk səhifəsində yazıb.
Xanım İsmayılqızı özəl xəstəxanalardan gileylənib:
"Təki yolunuz oralara düşməsin, amma, bir həqiqəti anladım ki, üstü bəzək, altı təzək olan - adamları hər mənada şoka salan - özəl, təmtəraqlı, yaraşıqlı xəstəxanalardan uzaq durun. Yalançı vədlərlə, gərginlik yaratmaqla yalnız qazancını düşünən və hər bir xəstəyə müştəri gözü ilə baxan həkimlərimiz... Sizin qiyamətiniz Allaha qalıb... Yenə də nə varsa dövlət xəstəxanalarında var. (Şərait qənaətbəxş olmasa da... İnsaf alababatdı...)
Xəbərdən istifadə edərkən istinad etmək vacibdir.