İbtidai icma dövrünün ilkin vaxtlarında intim dağınıqlıq mövcud idi. Nə otel var idi, nə tin, nə metro. Yəni açıq səma altında və ya mağaralarda azıxantrop xanımlar və cənablar qovuşurdular. Göründüyü kimi, bir növ heyvani həyat. Necə ki həyətində saxladığın xoruz gözünün qabağında toyuğa podxod edirsə, o zaman da belə idi.
Amma əsrlərdən, minilliklərdən keçən İNSAN anladı ki, intim həyat məhrəmiyyətdir və onu gizləmək lazımdır. Sevgi azad ola bilər, lakin onun azadlığı sənin sonsuz və hüdudu olmayan mənəvi aləmində olmalıdır. Sevgini izhar edə bilərsən, lakin onu çılpaq şəkildə və gözlər önündə aşkar etməməlisən. 
Bir müddət bundan əvvəl Azərbaycan xalqını başqa xalqlar ilə müqayisə etməmək barədə status paylaşmışdım. Onu da qeyd etmişdim ki, kimdə nə görürüksə görək, milliyimizi itirməmələyik. Türk, talış, kürd, ləzgi fərq etməz, bizləri birləşdirən ümumi dəyər var - QEYRƏT. Belə oxumuşuq, belə görmüşük, belə yaşayırıq. Kimlərsə bu yaşayışımızdan narahat olursa, nəyimə lazım. Bizdə qız isməti, ailə məhrəmiyyəti, qadın namusu daim müqəddəs olub. Məhz bunun sayəsində illərdir ki, əxlaqımızı, namusumuzu qoruyaraq gələcək nəsillərə ötürməyə çalışırıq. Bəs gələcək nəsil nə edir? 
Azadlıqdır, insan hüquqları var deyə - illərdir gizlində saxladığımızı bu üzə çıxarırlar. İndi ağzıgöyçək biri başlayacaq ki, təhsilsizliyin nəticəsidir bu. Araşdırsaq metroda bir-birini udan o iki gəncdən bəlkə də biri, bəlkə də ikisi ali təhsillidir. Hansı təhsil müəssisəsində get camaatın arasında heyvan kimi bir-birinizi gəmirin deyə dərs verir. Barmağın qatlasın ki, bir müəllim belə deyib?
Təhsil tək dörd divar arasında deyil. O, evdə də davam etməlidir. İndi başqa bir ağzıgöyçək deyəcək ki, heç valideyn də deməz ki, get metroda, avtobusda seviş. Bəli, razıyam. Amma valideyn evdə TV və İnternet sayəsində övladının qabını bulayır, onu zərərli vərdişlərdən qoruya bilmir. Məktəbdə müəllimin verdiyi tərbiyəni evdə davam etdirməyəndə, bax belə erotik səhnələr aşkara çıxır.
Əslində ekranlarda soyunma prosesi başlayanda sərt təpki göstərməli idik. Gecikdik, nəticədə libaslar soyunulanda mənəviyyat da lütləşdi. Parazit kimi artan lütlər sonradan virusa çevrildi, cəmiyyəti xəstələndirməyə başladı. Daşıyıcılar ki, KİV.
Nə isə. Ürəkağrısı odur ki, həmin gəncləri dəstəkləyənlər də az deyil. Görünür ki, mənəvi lütləşmə davam edir. Bunları ya geyindirmək lazımdır, ya da bunlara geydirmək. GEY sözünü səhv anlamayın, amandı, qaş düzəldən yerdı göz çıxarıq.
Elvin Babayev
Xeberle.com
P.S. Azadlıq... Heç də hər şeyi hamının g...

Xəbərdən istifadə edərkən istinad etmək vacibdir.