"SOS Uşaq Kəndləri - Azərbaycan" Assosiasiyası 1 iyun - Beynəlxalq Uşaq Müdafiəsi Günü ilə əlaqədar ölkədə uşaq hüquqlarının daha səmərəli təmin edilməsi və ictimaiyyətdə biliklərin artırılması məqsədi ilə ictimai vəkillik kompaniyasına başlayır. "Uşaq Müdafiəsi Hər Kəsin İşidir" şüarı altında həyata keçirilən ictimai vəkillik kampaniyasının əsas məqsədi media vasitəsi ilə ictimaiyyət nümayəndələri arasında uşaq müdafiəsi, valideyn himayəsindən məhrum olmuş uşaqların mövcud durumu barədə bilikləri artırmaq və cəmiyyətdə uşaqlara qarşı zorakılığa münasibəti dəyişməkdir. 26 may- 6 iyun tarixləri arasında keçiriləcək tədbirlər sırasında jurnalistlər üçün uşaq müdafiəsinə dair təlim, onlar arasında "BMT-nin Uşaqlar üçün Alternativ Qayğıya dair Qaydaları"nın Azərbaycanda tətbiqinə dair məqalə müsabiqəsi, sosial filmin çəkilişi və televiziya ekranlarında nümayişi, sosial media vasitəsi ilə təbliğat və sonda press-konfransın keçirilməsi daxildir.
Kampaniya çərçivəsində ilk tədbir "Uşaq müdafiəsi və media vasitəsi ilə bu mövzunun işıqlandırılması" mövzusunda jurnalistlər üçün 1 günlük təlim olub. Təlimdə media orqanlarını təmsil edən 30 jurnalist iştirak edib. Təlimdə " Uşaq hüquqları və müdafiəsi", "BMT-nin Uşaqlara üçün Alternativ Qayğıya dair Qaydaları", "Mediada uşaq problemlərinə dair xəbərlər hazırlanarkən diqqət edilməsi vacib olan məqamlar" barədə müzakirələr aparılmışdır. Sonda jurnalistlərə təlimi uğurla bitirdiklərinə görə "SOS Uşaq Kəndləri- Azərbaycan" Assosiasiyasının Milli Direktoru Sevinc İbrahimova tərəfindən sertifikatlar təqdim edilib
Xəbərdən istifadə edərkən istinad etmək vacibdir.