Space TV-nin prezidenti Vaqif Mustafayev fəaliyyəti dayandırılmış ANS telekanalının keçmiş əməkdaşı Afət Telmanqızını xəbərlər departamentinə yeni baş redaktor təyin edib.
Xeberle.com Ölkə.az-a istinadən məlumatına görə, o, bu vəzifədə Azadə Balayevanı əvəzləyib. 
A.Balayeva V.Mustafayevin qərarını etirazla qarşılayıb və şirkətdən getmək barədə ərizə yazıb.
Qeyd olunur ki, hazırda xəbərlər departamenti iki cəbhəyə ayrılıb. Hətta bir neçə gün öncə istefa vermiş baş redaktor Elman Gədiklinin geri dönməsini istəyənlərin də olduğu deyilir. 
Qeyd edək ki, A.Baleyeva uzun müddət ANS telekanalında çalışıb. O, bir neçə gün öncə Elman Gədiklinin yerinə təyin edilmişdi.

Xəbərdən istifadə edərkən istinad etmək vacibdir.