"Azərkimya” İB-nin Etilen-Polietilen zavodu bir aylıq təmirə dayanacaq”.
Xeberle.com Oxu.Az-a istinadən xəbər verir ki, zavodun direktoru Oqtay Niftəliyev jurnalistlərə deyib ki, bu müəssisədə aparılan yenidənqurma işləri ilə bağlıdır.
Onun sözlərinə görə, proses cari ilin avqust ayının 10-dan sentyabrın 10-dək davam edəcək: "Avqustun 10-dan başlayaraq zavodda əsaslı təmir aparılacaq. Yenidənqurma işlərinin birinci qolu avqust-sentyabr aylarında başa çatdırılmalıdır. Bundan əlavə, zavodda bir neçə yeni qurğunun  tikintisi planlaşdırılır. Bununla bağlı artıq hazırlıq işlərinə başlanılıb”. 
O qeyd edib ki, yenidənqurma layihəsi 3 ili əhatə edəcək: "Burada əsas məqsəd etilen istehsalının artırılmasıdır. Biz SOCAR-ın bəzi müəssisələrini ildə 150 min ton etilen-polietilen məhsulları ilə təmin etməliyik”.

Xəbərdən istifadə edərkən istinad etmək vacibdir.