Sumqayıtda fəaliyyət göstərən tibb müəssisələrinin əməkdaşları könüllü olaraq qanvermə aksiyasında iştirak ediblər.
Xeberle.com AZƏRTAC-a istinadən xəbər verir ki, hemofiliya və talassemiyadan əziyyət çəkən insanlara kömək məqsədi ilə keçirilən aksiya tibb işçilərinin yüksək fəallığı şəraitində keçib. Mərkəzi Qan Bankının xüsusi tibb briqadasının həkim-hemotoloqları ilk olaraq donorların sağlamlıq vəziyyətini müəyyən ediblər.
Götürülən qan nümunələri laboratoriyada müayinə edildikdən sonra talassemiyalı və digər qan xəstəliklərinin müalicəsində istifadə olunacaq.
Bu nəcib aksiyada 200-dən çox insan könüllü olaraq qan verib.
Xəbərdən istifadə edərkən istinad etmək vacibdir.
