6-cı mkr, Heydər Əliyev adına park ilə üzbəüz yerləşən və ingilis dilindən tərcümədə "Romantika” mənasını verən "Romance” restoranı.

 

Nizami Parkı. Cavid ticarət mərkəzilə üzbəüz yerləşən və ingilis dilindən hərfi tərcümədə "Küçə qidası” mənasını verən "Street Food” restoranı.

 

Sumqayıt şəhəri, 21-ci məhəllə, ev 112 (Səhiyyə Şöbəsi ilə üzbəüz) yerləşən və ingilis dilindən tərcümədə "Möcüzə” mənasını verən "Miracle” Təhsil və İnnovasiya Mərkəzi.

 

Sumqayıtda onlarla belə müəssisə və şirkət var. Sadəcə hər sferadan 1-nin adın çəkməklə  kifayətləndik. "Reklam haqqında” qanuna görə mağaza adları, ünvanlar, xidmət və ticarət obyektlərinin adları yalnız Azərbaycan dilində olmalıdır. Əgər xarici dildə yazılırsa, ana dilində yazılan adlardan sonra yazılmalı və ondan böyük yer tutmamalıdır. Bundan əlavə "Dil haqqında” qanunda da bu məsələyə yer ayrılıb.Qanunun 17-ci maddəsinə əsasən Azərbaycan Respublikasının dövlət hakimiyyəti və yerli özünüidarəetmə orqanlarının, hüquqi şəxslərin, onların nümayəndəliklərinin və filiallarının, idarələrin adları Azərbaycan dilinin normalarına uyğun olaraq yazılmalı və göstərilən təsisatların adını əks etdirən lövhələr, blanklar, möhürlər və kargüzarlıqla bağlı rəsmi xarakterli bütün digər ləvazimatlar dövlət dilində tərtib olunmalıdır. Lakin yuxarıda adlarını sadaladığımız və bu kimi digər mağaza və obyektlərin əcnəbi adları dilimiz üçün qəbahət olması ilə yanaşı, onun qayda-qaununlarına da uyğun deyil.  Bəs görəsən məsələylə bağlı əlaqədar qurumlar hansı tədbirləri görürlər?
Sumqayıt şəhər İcra Hakimiyyətinin İnformasiya və Relam Departamentinin rəhbəri Eldar Həsənov bizə bildirdi ki, idarə də  mağazalara və obyektlərə verilən əcnəbi adlara qarşı daim mübarizə aparır: "Lakin nəzərə alaq ki, sahibkarların sayı çoxdur və onların bu barədə maarifləndirilməsi üçün də uzun müddət lazımdır. Sumqayıtda elə mağazalar və şadlıq sarayları var ki, artıq onların adları dəyişdirilib. Bəzilərinin isə rəsmi sənədi olduğundan adlarının dəyişdirilməsi də mümkün deyil”.
AMEA Nəsimi adına Dilçilik İnstitutunun ictimaiyyətlə əlaqələr şöbəsinin müdiri Təranə Şükürlü bildirdi ki, hazırda bu sahədə Dilçilik İnstitutu tərəfindən paytaxtın bir çox ərazisində (Nərimanov, Nəsimi, Səbail və s. kimi rayonlarda) monitorinqlər təşkil olunub və bu monitorinqlərin Sumqayıt  şəhəri üçün də keçirilməsi nəzərdə tutulur.
Ümid edirik ki, yaxın zamanlarda şəhərimizin görünüşünə və dilimizə xələl gətirən əcnəbi adlar dəyişdirilərək ana dilimizdəki uyğun sözlərlə əvəzlənəcək.
Elnarə Salamova
Xeberle.com

Xəbərdən istifadə edərkən istinad etmək vacibdir.