Artıq bir aydır ki, Kürdəxanı təcridxanasında həbsdə olan jurnalist Əziz Orucovun ailəsindən xəbər var. Xanımı, Kanal13-ün redaktoru Lamiyə Orucova (Çerpanova) deyir ki, artıq bir aydır ki, əsassız olaraq Əziz Orucova görüş vermirlər. Bu hal bu yaxınlarda Orxan və Ramik Babayevlər tərəfindən dindirilmə zamanı təzyiqi qalxaraq koma vəziyyətinə düşmüş anası Almaz xanımın səhhətini daha da ağırlaşdırır. Bir aydır oğlunu görməyən ananın həm fiziki, həm də psixoloji durumu kəskin pisləşib. Lamiyə xanım deyir ki, həbsxana divarlarının ardında hər addımında qanun pozuntusu var. Hər həftə Əzizə aparılan sovqat tam yarı edilərək ona çatdırılır. Havanın temperaturu 30-35 dərəcə olmasına baxmayaraq içəri ventilyator buraxılmasına icazə verilmir. Səbəbini soruşanda isə ironiya ilə "havalar elə qızmayıb" cavabını verirlər. Baxmayaraq öz otaqlarında iki kondisioner işləyir. Bu, içəridə olan dustaqların hüquqlarının birbaşa pozuntusudur. Lamiyə xanım onu da bildirdi ki, artın Əziz bəyin işi ilə bağlı olan ilkin məhkəmə prosesləri yekunlaşıb. İşə artıq yaxın günlərdə Avropa məhkəməsində baxılacaq. Kanal13 redaktoru əlavə olaraq bildirdi ki, Avropa Şurasının Mətbuat Azadlığı platforması Jurnalist Əziz Orucovun adını öz platformasına daxil edib. Bu dünyanın bir necə nüfuzlu təşkilatının Avropa Şurasının tərkibində yaratdığı Jurnalistərin azadlığına görə platformadır. Və Əziz Orucovun adı Kanal13-ün rəhbəri olaraq ən yüksək təhlükə səviyyəsində, birinci dərəcəli həyəcan səviyyəsində ora salınıb. Həmin təşkilatın hesabatına salınan adlarla bağlı hökumətlərdən cavab tələb olunur. Azərbaycan hökumətinə də müraciət olunub, lakin hələ heç bir cavab verilməyib. Hesabatda Əziz Orucovun adminstrativ şəkildə həbs olunması və həbsinin son günündə başqa bir iddihamla 4 ay həbs-qəti imkan tədbirinin seçilməsi daha sonra evində və ofisində axratış aparılması hesabatda öz əksini tapıb, eyni zamanda həsabatda Kanal 13 fəaliyyətindən də bəhs olunub.Öz efirində hökumət və müxalifət nümayəndərinə yer verən, sosial –iqtisadi problemləri işiqlandıran tam müstəqil televizya olduğu qeyd olunub. Hal-hazırada Avropa Şurası Əziz Orucovun işi ilə bağlı ciddi fəaliyyət göstərir və eyni zamanda Avropa Şurasını digər müvafiq qurumları da, yəni İnsan Hüquqları üzrə və Media Məsələli üzrə komissarlarınin da məsələyə müdaxilə edəcəyi gözlənilir.

Xəbərdən istifadə edərkən istinad etmək vacibdir.