İyulun 17-də 50 ailənin Cocuq Mərcanlıya köçürülməsi yekunlaşacaq.
 Xeberle.com xəbər verir ki, bu barədə Modern.az-a Cəbrayılın Cocuq Mərcanlı kənd inzibati ərazi dairəsi üzrə icra nümayəndəsi Xanlar Zeynalov məlumat verib.
X.Zeynalov deyib ki, həmin gün Biləsuvarda məskunlaşan məcburi köçkünlər kəndə köçürüləcək:
"Cocuq Mərcanlıya yerləşdiriləcək sonuncu 11 ailə ilə köçün ilkin mərhələsi yekunlaşacaq”.
Artıq bir neçə gündür Cocuq Mərcanlıda yaşayan kənd rəsmisi hər bir şəraitin olduğunu vurğulayıb:
"Suyumuz, işığımız var, bu gün evlərə qaz da verildi. Bir neçə günə telefon da çəkiləcək. Şükürlər olsun, hər şeydən razıyıq”.
 Qeyd edək ki, birinci mərhələdə kənddə 10 hektarərazidə 50 fərdi evin və müvafiq infrastrukturuntikintisi aparılıb. Tikilmiş evlərə Cəbrayıl rayonununCocuq Mərcanlı kəndindən olan və əsasən Bakı şəhərində müvəqqəti məskunlaşmış məcburi köçkünlər köçürüləcək. Ümumi sahəsi 3850 kvadratmetr olan mənzillərin 20-si ikiotaqlı, 25-i üçotaqlı, 5-i isə dördotaqlıdır. Həmin evlərdə 50 ailə yaşayacaq.
İkinci mərhələdə daha 100 evin tikintisi həyata keçiriləcək.
 

Xəbərdən istifadə edərkən istinad etmək vacibdir.