Tarif Şurasının 14 iyul tarixində keçirilmiş növbəti iclasında Azərbaycan Respublikası Dövlət Neft Şirkətinin (SOCAR) müraciəti əsasında "Aİ-92” markalı avtomobil benzininin pərakəndə satış qiymətini1 litr üçün 90 qəpik səviyyəsində təsdiq edib.
Xeberle.com xəbər verir ki, Oxu.Az benzinin qiymətinin artmasının ölkədə taksi xidməti göstərən şirkətlərin tariflərinə təsirini araşdırıb.
Konkret məsafə - "20 Yanvar” və "İçərişəhər” metro stansiyaları üzrə may ayı üzrə qiymətlərlə Tarif Şurasının qərarından sonrakı qiymətlərin müqayisəsini təqdim edirik:
189 - (Econom) may ayında məsafə üzrə gediş haqqı 3,86 manat, Tarif Şurasının qərarından sonra 4.14 manat;
"Salam Taksi”  may ayında məsafə üzrə gediş haqqı 2,51 manat, Tarif Şurasının qərarından sonra 2.95 manat; 
Taxı*9111 may ayında məsafə üzrə gediş haqqı 3 manat , Tarif Şurasının qərarından sonra 3,60 manat; 
"Felix Taxı” may ayında məsafə üzrə gediş haqqı 3,76 manat, Tarif Şurasının qərarından sonra 4,50  manat;
"Uber” may ayında məsafə üzrə gediş haqqı 4 manat, Tarif Şurasının qərarından sonra 4,18 manat;
"City Taxı”, "Taxı24” hələlik xidmət tariflərinə dəyişiklik etməyib. Nəzərə çatdıraq ki, simvolik seçdiyimiz məsafə 6 km təşkil edir.
Hazırda Bakıda 10-dan çox sifarişli taksi şirkəti və 16 min fərdi taksi xidməti mövcuddur.

Xəbərdən istifadə edərkən istinad etmək vacibdir.